HEALTHY VILLAGERS CAMPAIGN

TANGAZA HAPA KWA BEI NAFUU CALL: 0712 005 865 au EMAIL: dr.masua@paulmasua.com

Thursday, November 10, 2016

Je! Mmeelewa na hayo niliyowatendea?


Sura ya kumi na tatu ya  injili ya  Yohana inamuonyesha Yesu Kristu  mwana wa Mungu akiwaosha miguu wafuasi wake. Yesu anamuonsha mwanafunzi     mmoja mmoja  kisha anakausha miguu yake. 

Baada ya  kuosha, Yesu  anawauliza  wanafunzi  wake wameelewa maana ya tendo lile. Hata hivyo  anawambia  iwapo mimi niliye  Bwana na Mwalimu  wenu nimetendea hivyo yawapasa nanyi kutendeana hivyo hivyo.

Sunday, October 9, 2016

Mambo ya kufahamu kuhusu vidonda vya tumbo

Picha ikionyesha kidonda cha tumbo. www.gihealth.com. 

1.Ugonjwa wa vidonda vya tumbo mara nyingi  husababishwa  na vimelea aina ya bakteria waitwao Helicobacter pyroli

2.Bakteria hawa huenezwa kwa njia ya mate toka kwa mtu mmoja kwenda kwa mwingine.

3.Mtu mwenye maambukizi sugu ya hao bakteria yuko katika hatari ya kupata saratani ya tumbo.

4.Watu wenye kundi O la damu  (blood group O) wana kiwango cha juu cha kupata vidonda vya tumbo

5.Maambukizi ya vimelea hao hutibiwa kwa dawa za aina tatu.

6.Matibabu hupunguza kiwango cha kupata saratani lakini hayaondowi kabisa uwezekano.

Thursday, October 6, 2016

Kwa nini wanawake wako katika hatari kubwa ya kupata maambukizi ya njia ya mkojo

Wanawake hupata maambukizi ya mkojo mara nyingi zaidi kuliko wanaume. Wanawake hupata maambukizi hayo mara nane zaidi ya wanaume. Tofauti hii husababishwa na tofauti ya kimaumbile iliyopo kati ya mwanaume na mwanamke .

Tofauti ya kwanza ipo kwenye urefu wa njia ya mkojo. Njia ya mkojo ya mwanamke ni fupi zaidi kuliko ya mwanaume. Hivyo tofauti hii hufanya vimelea wanaosababisha magonjwa kufika  kwa urahisi zaidi kwenye kipofu cha mkojo cha mwanamke.  

Urefu wa njia ya mkojo ya mwanamke ni sentimita tano wakati wa mwanaume ni sentimita 15.

Tofauti nyingine ni ukaribu uliopo kati ya njia ya mkojo na njia ya haja kubwa.  Maeneo haya yako karibu zaidi kwa mwanamke kuliko mwanaume. Hali hii husababishwa vimelea kutoka sehemu ya haja kubwa na kwenda kuzaliana na hata kuleta maradhi kwa mwanamke .

Wednesday, October 5, 2016

Mbinu za kupunguza kutoboka na kuoza kwa meno.

Idadi kubwa ya watu duniani wameathiriwa na tatizo la kutoboka/kuoza kwa maneno. Matumizi ya sukari sukari yanachangia kwa kiasi kikubwa kuoza kwa meno.

Zifuatayo ni baadhi ya mbinu au njia unazoweza kutumia kuepuka tatizo hili:-
Mosi, Punguza kiwango cha sukari katika milo yako. Matumizi makubwa ya sukari huchangia maneno kuoza. Sukari inapotumika katika mlo kwa mpangalio haina madhara makubwa.  Sukari inapotumika katikati ya milo inaleta madhara makubwa katika meno.

Pili, kusafisha meno.  Masaa kadhaa baada ya mlo mabaki ya chakula huvutia wadudu kuzaliana.  Wadudu wanapozaliana hutoa tindikali ambayo hutoboa meno na kupelekea meno kuoza.

Kuna vifaa maalum ambavyo huweza kuondoa mabaki ya chakula katika sehemu ambazo mswaki haufiki.

Pia unaweza kupata huduma ya kusafisha meno kutoka kwa wataalam wa meno katika vituo vya afya.

Mwisho Matumizi ya fluoride. Fluoride huongezwa katika dawa za meno pamoja na maji.  Kemikali hii hupunguza hatari ya kuoza kwa meno pamoja na magonjwa mengine ya fizi ambayo huweza kusababisha kupoteza meno.

Monday, September 26, 2016

Waathirika wa VVU kuanza kutumia dawa,baada ya kugundulika kuwa na maambukizi

Serikali imetoa mwongozo mpya unaelezea wakati wa kuanzisha dawa za kupunguza makali ya VVU na UKIMWI. Katika mwongozo huo serikali inaelekeza kuwa dawa hizo zianze kutolewa kwa mtu yeyote anayegundulika kuwa na maambukizi ya VVU bila kuangalia kiwango cha CD4+.

Hatua hiyo inafuatia mwongozo uliotolewa na Shirika la Afya duniani. Serikali  itaanza kutelekeza utaratibu huo mwezi October.

Tafiti zimeonyesha kuwa kuanza kutumia dawa mapema kuna faida zaidi kwa mgonjwa kuliko kusubiri kiwango cha CD4+ kushuka. Baadhi ya faida hizo ni kupunguza hatari ya maambukizi, kupunguza magonjwa nyemelezi pamoja na ugonjwa wa UKIMWI.

Hata hivyo utaratibu huu mpya unachangamoto kadhaa hasa kuongeza mzigo wa gharama kwenye sekta ya afya.

Monday, August 15, 2016

Namna ya kukadiria uzito wa mtoto kwa umri wake

Kwa kawaida mtoto anayezalia baada ya ujauzito kufikia ukomavu wa majuma 40 huwa na uzito unaokadiriwa kufikia 3.5kg. Hata hivyo uzito huu huongeza mara mbili mtoto anapofikia umri wa miezi  mitano na huwa mara tatu zaidi anapokuwa na mwaka mmoja.Hivyo basi mtoto mwenye umri wa mwaka mmoja ana uzito unaokadiriwa kufikia 10kg.

Kuanzia mwaka 1 mpaka 6 , uzito wa mtoto huongeza kwa 2kg kila baada ya mwaka mmoja.  Hivyo mtoto mwenye miaka miwili ana uzito unaofikia 12kg, miaka mitatu uzito unaokadiriwa kuwa 14kg wakati wenye miaka 4 ,uzito unakuwa 16.

Watoto wenye umri kuanzia miaka 6 hadi 10 inakadiriwa kuwa huongeza 3kg kila baada ya mwaka mmoja.  Mfano mtoto mwenye umri wa miaka 7 anakadiriwa kuwa na uzito wa 23kg wakati mwenye miaka nane akiwa na uzito unaofikia 26kg

Tuesday, May 31, 2016

Mimba hatarishi ni nini?

Mimba hatarishi ni ujauzito ambao huatarisha au kutishia afya pamoja na maisha ya mama na mtoto(kichanga)

Nini husababisha mimba kuwa hatarishi?
Magonjwa au maradhi anayokuwa nayo mama kabla ya ujauzito 
Baadhi ya kina mama wana matatizo mengine ya kiafya kabla ya kushika ujauzito. Mfano maradhi ya shinikizo LA damu, kisukari na maambukizi ya VVU. Maradhi hayo hufanya ujauzito kuwa hatarishi